Jarduerak

Artxiboak lankidetza-proiektu ezberdinak egin izan ditu herriko ikastetxeekin. Irakasleek ikasgaien edukiak eta ikasleen maila eta beharrak ezagutzen dituzte, eta artxiboak gai horiek lantzeko ikuspuntu artxibistikoa eman eta behar diren dokumentuak aukeratzen ditugu.

  • Ipintza Institutuan, urte batzuetan Ondarea ikasgaia ematen zen hautazko ikasgai bezala. Horrela, dokumentu-ondarearen atalean, lan-koaderno bat landu genuen. Artxiboan erakusten zen artxibo bat zer den, dokumentu-ondareak nolako balioa duen eta nola kudeatu daitekeen.
  • Migel Altuna institutuko Administrazio eta Kudeaketa zikloko ikasleei azaltzen zaie udal administrazioko artxibo-sistema, fondoen sailkapena eta dokumentuen balorazioa.
  • Aranzadi ikastolako Historiako ikasleekin, Bergarako industrializazioari buruzko lan bat bideratu zen.
  • Mariaren Lagundiko ikasleei artxiboa erakutsi eta dokumentu-ondarearen balioa azaltzen zaie.

Bisita gidatuak

Bisita gidatuak egiten ditugu. Gehienez, taldeko 10-12 pertsona hartzen dira. Edukia eta maila finkatzeko, jarri aurrez gurekin kontaktuan. [link kontaktua]. Gero eskaera egin behar da.

Orokorrean, azaltzerakoan azpimarratzen da zer nolako balioa duen agiri-ondareak eta dokumentu horiek kontserbatzeko eta kudeatzeko artxiboan egiten den lana.

Ilustrazioa. Bergarako Errege Seminarioari buruzko webquest-a

Ikerketa gidatu hau egiteko, sarean dauden materialak erabiltzen dira.

XVIII. mendeko Ilustrazioren mugimendua sakontzeko gertatu da eta abiapuntua Bergarako Errege Seminarioa da. DBH-4 mailako ikasleentzat da.

Webquest hau eratu zen Bergarako Ipintza institutuko Historiako Departamentuko irakasleekin eta Eibarreko Berritzeguneko teknologia berrien adituarekin batera.

Erakusketak

Udal artxiboak erakusketak antolatu ohi ditu eta antolatzen ditu. Helburuak, gordetzen ditugun agiriak ezagutaraztea eta zerbitzuaren hedapena dira. Orain arte hiru erakusketa antolatu ditugu:

  • Udaletxea historian zehar izeneko erakusketa 1995. urtean egin zen udaletxearen eraberritze eta handitze lanak bukatutakoan. Udalak historian zehar izandako eginkizunen bilakaera udaletxean nola gauzatu zen adieraztea izan zen helburua.
  • Bergara iruditan: azkenengo 40 urteko aldaketak izenekoa. Udal artxiboko argazkiekin 1999. urtean egin zen. Argazkiak lekukotza bezala erabiliz gure herrian egondako hirigintzako aldaketak erakutsi ziren.
  • Eustaquio Aguirreolea: pintore eta argazkilaria erakusketa 2000. urtean egin zen. Bergaran XX. mendeko hasierako argazkilariaren erakusketa izan zen.
  • San Martzialgo erromerixia argazki erakusketa, 2008ko ekainaren 13tik 29ra. Bergararrontzat hain esanguratsua den San Martzial eguneko jaiaren XX. mendeko argazkiak
    Katalogoa jaitsi( pdf 5,44 Mb)
  • Don Serafinen Bergara, 1964-1992 argazki erakusketa, 2009ko azaroaren 13tik 29ra. Serafin Esnaola apaizak Bergarako egonaldian ateratako argazkiak
    Katalogoa jaitsi( pdf 1,60 Mb)
  • Txirrindulari-lasterketak "iruditan" argazki erakusketa, 2010eko azaroaren 26tik abenduaren 12ra. Toribio Jauregi "Altzeta"ren argazkiak.
    Katalogoa jaitsi(pdf 2,35 Mb)
  • Bergara 1936" gerrako argazki erakusketa, 2012an Aroztegi aretoan Udal Artxiboak eta Intxorta 1937 Kultur Elkarteak antolatuta.
    Katalogoa jaitsi(pdf 3,07 Mb)

 

Historiako hitzaldiak

Artxiboak urtetan zehar (2002an hasita) historiako hitzaldiak antolatu ditu. Hilean behin egin izan dira. Herriko kulturako jarduera bat gehiago izateko asmoarekin hasi ginen. Historiako gaiak, modu erraz eta atsegin batean, azaltzea eta bidenabar, artxiboan gordetzen ditugun agiriekin dagoen lotura aditzera ematea nahi izan dugu.

Ikerketarako laguntzak

Gure herriari buruz historiako ikerketak sustatzeko eta bultzatzeko asmoarekin 2007an hasi ginen ikerketarako laguntzak ematen. Horri buruz informazio gehiago nahi izanez gero idatzi Artxibora

Hezkuntza eta Artxiboa

Azkeneko urtetan Bergarako ikastetxeekin lankidetzan aritu gara. Ondare, Historia eta Administrazio ikasgaietan artxiboak arlo edo gai zehatzetan parte hartuz.