Lan hau egiteko ideiaren jatorria Bergarako Udal Artxiboan dugu, hau da bertan gordetzen den Errege Seminarioaren funtsa ezagutzera emateko boluntatean, Bigarren Hezkuntzako  ikasleei batez ere.

Artxiboak,  Ipintza BHIarekin izandako lan harremanak aspalditik zetozela kontutan hartuta, Institutuko  irakasle ohi bati ideia luzatu zion eta honek Gizarte Zientzietako kide bati. Horrela hasi genuen lan hau.

Funtsa horiek ahalik eta gehien zabaltzeko aukera ezin hobea webquest batek eskainiko zuelakoan lanean jarri ginen, lan eremuak zehaztuz eta baliabideak eskuratuz. Laguntza bila Eibarko Berritzegunera jo genuen eta han Lydia Fernández de Lucok emandako aholkuak lan honen kalitatea hobetzeko oso baliagarriak izan dira.

Webquest hau egiteko erabili dugun txantiloia Portal de la Comunitat Catalana de Webquest web orrialdetik hartu dugu, ahaztu gabe webquest-en sortzailea Bernie Dodge izan zela http://webquest.sdsu.edu/.

Ebaluazioetako ereduak webquest ezberdinetatik atera ditugu eta “rubrika” ondorengo lotura honetatik
 http://rubistar.4teachers.org/index.php.

Lerro hauen bitartez, Ipintza Institutuko kideei eskerrak eman nahi dizkiegu, batez ere Koldo Zubizarretari txosten eta eskutitzako andamioak egiteko eman dizkigun  aholkuengatik eta Andoni Segundori argazkiak ateratzeagatik.    

Gainera Bergarako Udal Euskara Zerbitzuak lana zuzendu digula gogoratu nahi dugu eta gure esker ona eman nahi diogu.

Irudiek leku garrantzitsua hartu dute orri hauetan eta bakoitzaren kredituak adierazi nahi ditugu, erabiltzeko baimena eman digutenei eskerrak emanez:

Sarreran:

Atazan:

Prozesuan:

Lehenengo jardueran:

Laugarren jardueran:

Bostgarren jardueran:

Seigarren jardueran:

Ondorioetan: