GIDA DIDAKTIKOA
NORI ZUZENDUTA Webquest hau 4.DBHn burutzeko pentsatuta dago, maila horretan XVIII. mendea jorratzen baita. Webquest honen bitartez, Ilustrazioak Espainian, hain zuzen Euskal Herrian, izan zuen garrantziaren adibide bat landu nahi da. 4.DBHko ikasleek badute lan hau egiteko beharrezkoak diren minimoak: Ilustrazioa ezagutzen dute, irakasleak lanarekin hasi aurretik gelan gaia aurkeztu eta azaldu baitu; grafiko, taula eta irudien interpretazio minimo bat aurreko ikasturteetan landuta dute; baita ordenadore erabilera eta interneten nabegazioa ere. Ikerketa hau 1. edota 2. batxilergoan ere aplikatu ahal da, lan honen ezaugarri bat testu historiko eta garai hartako irudiak eskeintzea baita. Ikasleek testuak sailkatu eta aztertu ahal dituzte eta irudien azalpena osatu eta sakondu. EDUKI CURRICULARRAK Webquest hau ikerketa bat da eta beraren bitartez hainbat gai eta arlo landu nahi dira:
HELBURUAK Aurreko guztia kontutan hartuta, lan honen helburuak hurrengo hauek dira:
DENBORALIZAZIOA Lan hau egiteak eskatzen duen denbora guztia ezin zaio eskola orduetan eskaini (bost saio gutxi gorabehera). Eskolaz kanpo ere lan egin beharko dute ikasleek. Lehen klase saioa aurkezpen eta antolaketa lanei eskeiniko diegu. Saio honetan ataza zein den eta lana ondo egin ahal izateko ikasleek lotura guztietan klikatu behar dutela oso argi utzi behar dugu; baita eskeinitako informazioa, egindako galderak eta emandako argibide guztiak ikasleek oso ondo irakurri behar dituztela ere, zehatz-mehatz zer egin behar duten jakiteko; lortu behar diren helburuak eta ebaluazio irizpideak eta adierazleak bertan dituztela azaldu. Klaseko bigarren saioa ikasleak lanean hasteko eta egin beharrekoa eta antolaketa ulertu dutela ziurtatzeko emango dugu. Momentu horretan gogoraraziko diegu txostenean bibliografia eta informazio iturri guztien berri eman behar dutela, beraz, apuntatu behar dutela lan egin ahala. Ikasle bakoitza berari dagokion banakako lanaz arduratuko da klase orduetatik kanpo. Klaseko hirugarren saioa taldekideek banakako lana komunean jartzeko, zerbait falta den ikusteko eta txostenaren antolaketa adosteko erabiliko dute. Txostena bukatzeko taldekideak eskolaz kanpo bildu beharko dira. Klaseko laugarren saioa taldekideek txostena berrikusteko, zuzentzeko edota ontzat emateko erabiliko dute. Honetaz gain, eskutitza idazteko pautak adostuko dituzte. Klaseko bosgarren saioa taldekideek eskutitza bukatzeko erabiliko dute. Ondoren, irakasleak emandako bere helbide elektronikora bidaliko dute egindako lana. Azkenik, aurretik azaldutako ebaluazio irizpide eta adierazleak erabiliz, irakasleak ebaluatuko ditu talde lana eta ikasle bakoitzarena. LANA AURRERA ERAMATEKO AHOLKUAK Hiru kideko lan taldeak osatuko dira; kide batek lehen jardueraren inguruko galderak erantzuteko, beste batek bigarren jarduerakoak eta hirugarrenak hirugarrenekoak. Bost, sei, zazpi... talde osatu daitezke gela bakoitzean. Nahi izanez gero, lehen jarduera burutu behar dutenen artean bikoteak egin daitezke informazioa lortzeko, gauza bera beste bi jarduerei dagokienez, modu honetan taldeko lana bi modutan landuko da: jarduera berbera egiten dutenen artean eta lan osoa egiten dutenekoa (adituen teknika kooperatiboa). Ikasleek beharko duten materiala zentruetan erabiltzen dena eta herriko liburutegietan erabilgarri dutena da, batez ere ordenagailua eta sarerako konexioa. Bibliografiari dagokionez, jardueretan eskaintzen den baliabideekin eta testu liburuarekin nahikoa dute. BESTE LAN PROPOSAMEN BATZUK Lan honek ez dauka zergatik hemen bukatu. Aurrera jarraitzeko aukerak asko dira. Guk era desberdinetako beste lan batzuk eskaintzen dizkizuegu, baina zuek ere, horrela nahi izanez gero, proposatu ahal dituzue. Harrera hobe ezina izango dute. Honela, zuen lana oraindik aberatsagoa suertatzeko, beste bi jarduera proposatzen dizuegu:
Hau da, lehenarekin ikasitakoa zabaldu egingo duzue, bigarrenarekin, ostera, sakondu. Baina, zabaldu-sakontze lan hauetaz aparte, badauzkagu beste batzuk ere entretenigarriak izan daitezkeenak; adibidez, garaiko hainbat pertsonaiaren inguruko puzzle bat osatzea edo XVIII. mendeko gaztelania ezagutzea. Irakaslea eta ikasleak animatuz gero Bergarara hurbiltzen eta bertako argazkiak ateratzen Pauli bidaltzeko, argazki kamara digitala beharko dute. Aldi berean, "XVIII. mendeko gaztelania ezagutzea" jarduera aukeratzen baduzue, ikastetxeak zenbait luma eskuratu beharko ditu. IRADOKIZUNAK ETA PROPOSAMENAK Gure nahi handiena ikastetxe ezberdinetan lan honi erabilera ematea da. Zuen balorazioak eta proposamenak lana denon artean hobetzeko erabiliko dira. Gurekin harremanetan jarri nahi izanez gero, hemen gure helbide elektronikoa: txapartegi@irakasle.net |