Agur t’erdi!

Paul naiz  eta Habanan bizi naiz, nire familiarekin batera. Eskutitz honen arrazoia zera da: betidanik jakin izan dut gure arbasoek Euskal Herria utzi zutela hona etortzeko eta horietako bat, Ygnacio Maria izenekoa, urtetara Euskal Herrira ikastera bueltatu zela ere ezaguna nuen, baina...

Orain dela egun batzuk, interneten nenbilela, bilatzaile batean "Ygnacio Maria Justiz" tekleatu nuenean, eskutitz hau topatu nuen:

Hau ustekabea! Bat-batean mila galdera etorri zitzaidan aitonari egiteko, baina gure aitonak  beti matraka berarekin erantzuten didanez, ba, ez nion ezer esan, izan ere, beti gauza bera du ahoan: “Eskola zatar horretan, informatika eta deabruaren makina guztiak ulertzeko ezaugarriak ematen dizkizuete bai, baina EZ DAKIZUE  EZER  GURE  JATORRIEZ,  GURE  BALOREEZ…!!!”

Honengatik guztiagatik zuei laguntza eskatzea pentsatu dut eta, bide batez, aitonari gure sustraiak axola zaizkigula eta sarean ibiltzeak bere alde onak badituela erakutsiko nioke.

Beraz, honekin batera nire galderak luzatzen dizkizuet, ea nire jakin-mina asetzen den.

Zergatik joan ikastera etxetik hain urrun, Europara hain zuzen? Eta zergatik Bergara bezalako herri txiki bat hautatu? Zergatik sortu zen Errege Seminarioa Bergaran eta zer lortu nahi zen beraren bitartez? Zein zen ikasleen egoera eta egunerokoa bertan? Gaurkoarekin badauka zerikusirik?

Galdera sorta honen erantzunak ezagutuko bagenitu, aitona eta biok pozik sentituko ginateke. Aldez aurretik, mila esker!

Zuen erantzunaren zain geratzen naiz, bitartean har ezazue nire agurrik beroena.


                                                      Paul

OHARRA: Irudiak eskuratuko bazenizkete eskertuko nizueke, ez baitut horko ia ezer ezagutzen. Mila esker, berriz ere.